Құрметті төраға Байменов,

Төраға Жазықбаев,

Джеонг ханым,

Акуаро мырза,

Абдрасилов мырза,

Құрметті спикерлер, қонақтар мен қатысушылар

Сіздерді цифрлық трансформация қажеттіліктерін бағалау жөніндегі зерттеу нәтижелерін талдауға арналған осы өңірлік конференцияда көргеніме өте қуаныштымын.

БҰҰДБ атынан мен Корея Республикасының Үкіметіне Орталық Азия мен Кавказдағы мемлекеттік сектордағы цифрландыру және инновациялар жөніндегі бірлескен бастамамызды қолдауға әрдайым адалдығы үшін шынайы ризашылығымды білдіргім келеді. Сондай-ақ Байменов мырзаға және оның әріптестеріне осы бастаманы іске асыру барысында тиімді басшылық еткені үшін зор ризашылығымды білдіруге рұқсат етіңіздер.

Біз өңірдегі жеті бенефициар елдегі негізгі әріптестердің мүддесі үшін құрылған әріптестік пен ведомствоаралық ынтымақтастықтың жаңа моделімізді жоғары бағалаймыз, мен сол әріптестерді бүгін Қазақстанда қуана қарсы аламын.

Осы жылы БҰҰДБ үнемі өзгеріп отыратын цифрлық шынайылықты басып озуға және Тұрақты даму саласындағы мақсаттарға қол жеткізу процесін жеделдетуге бағытталған өзінің жаңа 2022-2025 жылдарға арналған цифрлық стратегиясын іске қосты.

Стратегияда адамдар мен планета үшін «цифрлық технологиялар өзгерістердің негіз қалаушы қозғауыш күші болып табылады» деген тұжырымдама бар. Онда бағдарламалау жүйелерінде де, БҰҰДБ-ның операциялық жүйелерінде де ең жақсы нәтижелерге қол жеткізу үшін цифрлық технологиялардың әлеуетін пайдалану бойынша үндеу бар. Цифрландыру тұрақты дамуға ықпал ететін түйінді факторлардың бірі бола отырып, технологиялық прогресс әкелген инновацияларды пайдалана отырып, халықтың неғұрлым осал топтарын қамтуға көмектеседі.

Қазақстанда БҰҰДБ ұлттық серіктестермен бірлесіп, азаматтар мен кәсіпкерлердің цифрлық мемлекеттік қызметтерге қолжетімділігін жақсарту және біздің қызметіміздің салаларына цифрлық шешімдерді енгізу бойынша жұмыс жүргізуде:

-     БҰҰДБ Қазақстанға мүмкіндігі шектеулі адамдарға арналған әлеуметтік қызметтердің цифрлық порталынан бастап, мемлекеттік сектордағы цифрлық трансформацияны жеделдету үшін ІТ-персоналдың біліктілігін арттыруға дейін инклюзивті, әдепті және тұрақты цифрлық қоғам құруға көмектеседі;

-       Жабайы табиғат туралы деректерді жинау және мониторингілеу үшін қорғалатын аумақтарда SMART патрульдеу жүйесін енгізе отырып және жергілікті әкімдіктер үшін жайылымдардың цифрлық карталарын жасай отырып, БҰҰДБ адамдар мен мекемелерге, технологияларды пайдалана отырып, инновациялық шешімдер іздеуге көмектеседі.

Жалпы алғанда, БҰҰДБ өз персоналының цифрлық дағдыларын жетілдіру және болашақта ұйымның тиімділігін дәлелдеуге көмектесетін процестерді қайта ұйымдастыру арқылы ағымдағы және болашақ технологиялық қажеттіліктерді қанағаттандыру үшін түрлендіруді және үлгі көрсетуді жалғастыруда.

Осылайша, цифрлық технологияларға көшу біз елестете алмайтын мүмкіндіктерді аша отырып, жұмыс пен ойлаудың жаңа тәсілдерінің пайда болуына алып келеді.

Бүгінгі таңда бүкіл әлемдегі үкіметтердің көпшілігі азаматтарға сапалы қызмет көрсетуге және неғұрлым тез қызмет көрсетуге және халықтың сенімін қалпына келтіруге мүмкіндік бере отырып, цифрлық технологияларды қолдану аясын кеңейтуде.

Қажеттіліктерді бағалау жөніндегі зерттеу нәтижелерін бүгінгі талқылау сондай-ақ Корея Республикасында пайдаланылған көрсеткіштерді салыстырмалы талдауды қолдану практикасын назарға ала отырып, Орталық Азия мен Кавказ елдерінде басталған цифрлық технологияларға көшу процесін одан әрі жеделдетеді деп үміттенемін.

Қорытындылай келе, мен барлық қатысушыларға жемісті талқылаулар тілеймін және барлық қатысушы елдер мен мекемелерді «Astana Hub» цифрлық технопаркінің тұғырнамасын, желілері мен ұжымдық білімін баршаға тұрақты даму мүддесінде инклюзивті және сенімді цифрлық шешімдер жасау үшін пайдалануға шақырамын.