Біріккен Ұлттар Ұйымының Даму бағдарламасы (БҰҰДБ) цифрлық технологиялар адамдар мен планета үшін қозғаушы күшке айналатын әлемді құруға ықпал ететін цифрлық технологиялар саласындағы жаңа өршіл стратегияны іске қосады.

Нью-Йорк, 2022 жылғы 15 ақпан – Бүгін біз теңсіздікті азайтуға, инклюзивтілікті қолдауға, климаттың өзгеруі проблемасын шешуге және экономикалық мүмкіндіктерді ашуға көмектесетін тетік ретінде цифрлық технологияларды қолдана отырып, елдер мен қауымдастықтарды қолдауға бағытталған жаңа батыл жоспарды жүзеге асыруды бастаймыз. 2022-2025 жылдарға арналған өзінің жаңа өршіл цифрландыру стратегиясының арқасында БҰҰДБ Тұрақты даму саласындағы мақсаттарға (ТДМ) қол жеткізу бойынша жұмыстарды жеделдету мақсатында тұрақты дамып келе жатқан цифрлық шынайылықтан озуға ұмтылады.

Жаңа стратегиялық жоспарды іске асыруға ықпал ететін үш ынталандырушы фактордың бірі ретінде цифрландыру жобасы БҰҰДБ-ға жоғары мақсаттарына қол жеткізуіге көмектеседі. Жоба кедейлікпен күресте 100 миллион адамға қолдау көрсетуді және 500 миллион адамға экологиялық таза энергияға қол жеткізуге көмектесуді қамтиды. Цифрлық технологиялар демократияның және адам құқықтарының дамуына, мысалы, азаматтық белсенділікті арттыру және саяси өмірге қатысу арқылы ықпал ете алады. Немесе сыбайлас жемқорлық құқық бұзушылықтары үшін мүмкіндіктерді азайта отырып, сәйкестендіру, деректермен алмасу және төлемдерді жүзеге асыру үшін елдер пайдалана алатын цифрлық қоғамдық игіліктерді қарастырайық. Сонымен қатар, жасанды интеллект пен цифрлық технологиялар 2030 жылға қарай көмірқышқыл газы шығарындыларының 10-20% - ға төмендеуіне әкелуі мүмкін.

«Цифрлық технологиялар біз елестете алмайтын мүмкіндіктерді аша отырып, жұмыс пен ойлаудың жаңа тәсілдерін ашады», - дейді БҰҰДБ әкімшісі Ахим Штайнер. «Мысалы, цифрлық технологиялардың көмегімен саясаткерлер біздің табиғи әлеміміздің – мысалы, ормандардың, маржан рифтерінің немесе мұздықтардың шынайы уақыт ауқымында қалай өзгеретінін және қай жерде шара қолдану қажеттігін жақсы түсіне алады. Мысалы, «Болашақ БҰҰДБ деректері» платформасына назар аударыңыздар, ол директивалық органдарға вакцинация саласындағы теңсіздік сияқты негізгі бағыттар бойынша ең соңғы деректер мен аналитикалық ақпаратты ұсынады.»

БҰҰДБ қазірдің өзінде даму саласында аса қажетті шешімдердің кең ауқымын іздеу үшін цифрлық технологияларды әзірлеуде және пайдалануда қоғамдастықтарға қолдау көрсетіп келеді. Бір жыл ішінде ғана БҰҰДБ 82 елге COVID-19 пандемиясына жауап ретінде 580-нен астам цифрлық шешім қабылдауға көмектесті. Бұл шешімдер локдаун кезеңінде үйлерінен шыға алмайтын адамдар үшін ақша аударымдарын жеңілдететін цифрлық қаржылық қызметтерді пайдаланудан бастап, елдерге цифрлық технологияларды пайдалануға дайындық дәрежесін бағалауды әзірлеуге және COVID-19 пандемиясымен күресу бөлімшелерінде жұмыс істеу үшін роботтарды ұсынуға дейін барлығын қамтиды.

«Соңғы бір жылда біздің әріптестеріміздің арасында ұлттық деңгейде цифрлық технологияларға көшуге стратегиялық қолдау көрсетуге сұраныс өсті», - дейді БҰҰДБ-ның цифрлық технологиялар жөніндегі директоры Роберт Опп. «Қазіргі уақытта БҰҰДБ цифрлық трансформация жолында 35 елге қолдау көрсетеді, бұл біздің ұйымымыздың ең озық бағыттарда қажетті қолдау көрсететінімізге сенім мен сенімділікке ие екендігін айқын көрсетеді».

Стратегия сонымен қатар ұйымның күш-жігерін біздің жаңа цифрлық әлемге қатысты жаңа проблемаларды шешуге бағыттауға көмектеседі. Егер қажетті шаралар уақытында қабылданбаса, цифрлық технологиялар қазіргі теңсіздікті күшейтіп, алалаушылықты күшейте алады. Цифрлық алшақтықты жою кезінде біршама ілгерілеушілік болса да, 2.9 миллиард адам, негізінен дамушы елдерде және негізінен әйелдер Интернетке қол жеткізе алмайды. «Біз адам құқықтары мен бүкіл қоғамның күш-жігеріне негізделген цифрлық трансформацияға деген көзқарасты, ешкімді артта қалдырмайтын көзқарасты ұстанамыз. Біз цифрлық технологиялардың барлығы үшін және барлық жерде – қазіргі ұрпақ пен болашақ үшін жұмыс жасауын қалаймыз», - деп толықтырды Роберт Опп.

Стратегияда БҰҰДБ елдерге үшжақты тәсіл негізінде цифрлық технологиялардың артықшылықтарын пайдалануда қалайша көмек көрсететіні көрсетіледі:

·       • Біріншіден, БҰҰДБ өз жұмысына цифрлық технологияларды енгізу; жаңа тәсілдермен және құралдармен тәжірибе жасау, перспективалық шешімдерді масштабтау және болашақтың ықтимал нұсқаларын түсіну үшін ұзақ мерзімді болжауды қолдану арқылы даму саласындағы қызмет нәтижелерін арттырады.

·       Екіншіден, стратегия қоғамдарға адам құқықтарына негізделіп, ешкімді артта қалдырмайтындығына кепілдік бере отырып, неғұрлым инклюзивті және тұрақты цифрлық экожүйелерді құру жөніндегі күш- жігеріне қолдау көрсетеді.

·       Үшіншіден, БҰҰДБ трансформацияларды жүзеге асыруды жалғастырады және ағымдағы және болашақ технологиялық қажеттіліктерді қанағаттандыру мақсатында үлгі болады. Бұл #FutureSmartUNDP қызметкерлерін өздерінің цифрлық дағдыларын одан әрі жетілдіруге және деректерді стратегиялық пайдалануға ынталандыруды білдіреді, бұл ұйымға ертеңгі күннің талаптарына сай болуға көмектеседі.

БҰҰДБ технологияларды жауапты және тұрақты пайдалану саласындағы ынтымақтастықты нығайту мақсатында халықаралық және жергілікті деңгейдегі кәсіпорындармен және кәсіпкерлермен, ғалымдармен, зерттеушілермен, жастармен және саясаткерлермен өзара іс-қимыл жасайтын болады. Осы қажетті диалог БҰҰДБ Зертханаларының акселераторы желісінің жұмысына ол қалай көрінетініне қарай ықпал етеді және жергілікті деңгейде даму саласындағы олардың көпшілігі цифрлық болып табылатын шешімдер ауқымын кеңейтеді

БҰҰ Бас хатшысының Цифрлық ынтымақтастық жөніндегі жол картасында және біздің ортақ Күн тәртібіміз туралы баяндамада бекітілгендіктен, стратегия БҰҰ-дың қымбат емес кеңжолақты желілерге қолжетімділікті кеңейту және соның ішінде әйелдер мен мүгедектігі бар адамдарды қоса алғанда, негізгі топтардың цифрлық әлеуетін арттыру жөніндегі жаһандық күш-жігерін толықтырады, бұл, сайып келгенде, адам әлеуетінің дамуын жеделдете отырып, сол мезгілде жаңа мүмкіндіктер, мысалы, жұмыс орындарын ашады.

«Цифрлық технологиялар саласындағы жаңа стратегия БҰҰДБ бір орында тұрмайтынын көрсетеді. Бізге бағыттаушы жұлдыз ретінде қызмет ететін Жаһандық мақсаттармен біз барлығына цифрлық болашақты қамтамасыз ету үшін жақын көкжиектен тыс қараймыз», - деп толықтырды Ахим Штайнер.