Қазақстанда Тұрақты Даму Мақсаттарын ілгерілету жөніндегі Мәлімдеме

Tue Nov 22 00:00:00 EST 2016

Астана, 2016 жылғы 22 қараша

Қазақстан Республикасы Парламентінің Сенаты

         Біз, Қазақстан Республикасы Парламенті Сенатының депутаттары,  Тұрақты Даму Мақсаттарын және оларға қол жеткізудегі Парламенттің рөлін қарастырдық.

        Тұрақты Даму Мақсаттарын (бұдан әрі – ТДМ) іске асырудағы күш-жігеріміздің маңыздылығын мойындай отырып:

·        Бүкіл ел бойынша барлық деңгейлерде орнықты даму принциптерінің қолданылуын ілгерілету.

·        Қазақстан халқы, әйелдер мен ерлер, ауыл мен қала тұрғындары тең дәрежеде ТДМ-ға қол жеткізуден жағымды әсерді сезінуі үшін барлық күш-жігерді жұмсау.

·        Барлық ТДМ-ды ұлттық және жергілікті деңгейлерде тиісті қаржыландырумен қамтамасыз етуге жәрдемдесу.

·        ТДМ-ды іске асыру үшін қолайлы жағдай жасау мақсатында олардың қолданыстағы заңнамаға интеграциялануына жәрдемдесу.

·        ТДМ-ды ұлттық және жергілікті деңгейлерде іске асыру үшін  БҰҰ агенттіктерімен және азаматтық қоғаммен бірлесіп, ұлттық ақпараттық науқанға қолдау көрсету.

·        Көпжақты әріптестікті ілгерілету және ТДМ-ды жалпы ұлттық деңгейде қолдауды ұйымдастыру үшін азаматтық альянс құруға көмек көрсету.

·        Орталық Азияда және бүкіл әлемде адам әлеуетін одан әрі дамыту үшін әлеуеті бар іс-шараларды бірлесіп жүзеге асыру үшін 17 ТДМ рухында басқа елдермен және халықаралық ұйымдармен өзара
іс-қимыл жасау.  

·        Тұрақты Даму Мақсаттарын ілгерілетуде демократиялық басқару, құқық үстемдігі, әділ сотқа қолжетімділік және жеке басқа қолсұғылмаушылық принциптерін басшылыққа алу  қажеттігі туралы мәлімдейді.

Біз, ТДМ-ға қол жеткізу Қазақстанда халықтың әл-ауқатын арттырып, әлемнің бәсекеге барынша қабілетті 30 мемлекетінің қатарына кіруге мүмкіндік беретініне сенімдіміз.