Мемлекеттік қызметтердің қоғамдық мониторингін жүргізу механизмі бойынша ҮЕҰ арналған аймақтық семинарлар

Wed Aug 28 00:00:00 EDT 2013

2013 жылдың 2-10 қыркүйегі аралығында Қазақстанның төрт қаласында: Семей (2 қыркүйек),Алматы (4 қыркүйек), Қызылорда (6 қыркүйек)  және Ақтау (9 қыркүйек) БҰҰДБ мен ҚР Экономика және бюджеттік жоспарлау министрлігінің бірлескен жобасы шеңберінде, халықаралық сарапшының қатысуымен үкіметтік емес ұйымдарға арналған тренингтер жүргізіледі. 

Берілген тренингтердің мақсаты аймақтық үкіметтік емес ұйымдардың әлеуетін ҮЕҰ мемлекеттік қызметтердің қоғамдық мониторингін жүргізудің механизмі мен әдістерін үйрету арқылы арттыру болып табылады. 

Тренингтер бағдарламасында үкіметтік емес ұйымдар мемлекеттік қызметтердің қоғамдық мониторингі саласындағы халықаралық тәжірибемен, мониторингтің негізгі құралдарымен, ҮЕҰ үшін қажетті ресурстық базамен, мониторингті жүргізудің жоспарлануымен және барысымен таныс болады. 

Сонымен қатар, денсаулық сақтау, білім және әлеуметтік қызметтер салаларында қызмет мониторингін жүргізу механизмдері қарастырылады, қоғамдық мониторинг жүргізу бойынша практикалық мысалдар беріліп, топтармен жұмыстар жүргізіледі.

Тренингтерде азаматтық қоғамның 80-нен астам өкілдері қатысады деп күтілуде.          

Үкіметтік емес ұйымдардың қатысуы мемлекеттік қызметтер жүйесінде маңызды буын болып табылады. Ағымдағы жылда үкіметтік емес ұйымдар мен азаматтарға мемлекеттік қызмет мониторингін жүргізуге құқық беретін «Мемлекеттік қызметтер туралы» Заң қабылданды. Мұндай қатысу, біріншіден, мемлекеттік органдардың жұмыстарында ашықтық пен есеп берушілік деңгейін көтереді, және екіншіден, орталық мемлекеттік органдар, жергілікті атқарушы органдар және халыққа қызмет көрсету орталықтары тарапынан мемлекеттік қызмет көрсетудің сапасы және деңгейі туралы тәуелсіз пікір алуға мүмкіндік береді.

Тренингтен өткен ҮЕҰ, ағымдағы жылда мемлекеттік қызметтерді жүргізуге арналған БҰҰДБ гранттық конкурсына қатыса алады. Гранттық конкурс ағымдағы жылдың қыркүйек айында жүргізіледі және төрт аймақты қамтитын болады: Маңғыстау облысы, Шығыс-Қазақстан облысы, Қызылорда облысы, Алматы қ.

Қатысу сұрақтары бойынша Gulnar.Smailova@undp.org электрондық мекенжайы немесе +7 7172 59 14 02 телефон нөмірі бойынша Гулнар Смаиловамен хабарласуыңызды сұраймыз.

Contact information

For further information on participation, please contact Gulnar Smailova by e-mail Gulnar.Smailova@undp.org or by phone +7 7172 59 14 02.